Kawo yanzu a fadin duniya kwayar cutar Covid-19 ta yi ajalin mutum dubu 642 da dari 820, yawan wadanda cutar ta kama kuma sun kai mutum miliyan 16, wadanda kuma suka warke sun kai kusan miliyan 10.
A kasar Indiya a cikin awanni 24 mutum 757 sun rasa rayukansu inda yawan wadanda suka rasun ya kai mutum dubu 31 da 358 haka kuma yawan wadanda suka kamu da cutar ya karu da dubu 48 da dari 916 a jumlace ya haura mutum miliyan 1 da dubu 336 da dari 861.
A Afrika ta Kudu kuma a cikin kwana dayan da ta gabata mutum 250 suka rasa rayukansu sanadiyar cutar inda yawan wadanda suka mutu baki daya ya kai dubu 6 da dari 343. Haka kuma an kara samum mutum dubu 13 da dari 994 dauke da cutar a jumlace yawan wadanda ke dauke da cutar a kasar ya kai dubu 421 da dari 996.
