Jirgin saman yaki na Amurka ya fado

Jirgin sama samfurin F-35 na yaki mallakar Rundunar Sojin Amurka ya fado a jihar Florida.

Sanarwar da aka fitar daga Sansanin Sojin Sama na Eglin da ke Florida ta ce jirgin ya fado a lokacin da yake yin sintirin da ya saba yi da misalin karfe 21.30, kuma ya fado a lokacinda yake kokarin sauka a kan ruwa.

Sanarwar ta ce matukin jirgin ya kubuta bayan amfani da laimar sauka, an kuma fara gudanar da bincike game da hatsarin.

A makon da ya gabata ma jirgin yaki samfurin F-22 da ya tashi daga wannan sansanin ya fado.