Jirgin saman soji ya fado a Indonesiya

Wani jirgin sama na yaki mallakar Rundunar Sojin Ruwa ta Indonesiya ya fado a jihar Riau da ke yankin Tsibirin Sumatra.

Labaran da kamfanin dillancin labarai na Antara da ke Indonesiya ya fitar na cewa jirgin yakin samfurin Hawk 209 kirar Ingila ya fado kan gidaje a kauyen Kubang da ke yankin Kambar na jihar ta Riau.

Jami'in Hulda da Jama'a na Rundunar Sojin Sama Fajar Adriyato ya fadi cewar matukin jirgin ya yi amfani da lema wajen fita daga cikinsa, wanda an kuma kubutar da shi.

Ana gudanar da bincike game da musabbabin hatsarin.