Jirgin saman kashe gobara ya fado a Girka

Jirgin sama mai kashe gobara samfurin Petzetel ya fado a Tsaunin Zakinthos da ke Girka a lokacin da yake tsaka da kashe wutar dajin da ta kama.

Sanarwar da aka fitar daga Hukumar Kashe Gobara ta Girka ta bayyana cewa, daya daga cikin jiragen kashe gobara samfurin Petzetel guda 2 da aka tura Tsaunin Zakinthos don kashe wutar dajin da ta kama ya fado a yankin Lagopodo-Maherado.

An bayyana samun nasarar kubutar da matukin jirgin saman, kuma an fara gudanar da bincike game da musabbabin fadowar jirgin.