Jirgin saman 'yan yawon bude ido ya fado a Amurka

Mutane 6 sun rasa rayukansu sakamakon fadowar jirgin saman 'yan yawon bude ido a jihar Alaska ta Amurka.

Sanarwar da Rundunar Tsaron Teku ta Amurka da Hukumar Kula da SUfurin Jiragen Sama ta Amurka suka fitar ta ce, wani jirgin saman yawon bude ido ya fado yankin Misty na Tunawa da Kasa da ke kusa dagarin Ketchikan na jihar Alaska.

An bayyana mutuwar mutane 6 da ke cikin jirgin saman.

An aike da jami'an ceto da ma'aikatan bincike zuwa wajen da hatsarin ya afku.