Jirgin farko ya sauka filin jirgin Kabul bayan komawarsa karkashin Taliban

Jirgin farko ya sauka a filin jirgin saman Kabul tun bayan komawarsa karkashin ikon Taliban a Afghanistan.

Wani jirgin saman Katar Airways ya dauki tawagar masana zuwa Kabul babban birnin kasar, don gudanar da bincike kan sake bude filin jirgin saman Kabul, wanda ke karkashin ikon Taliban a halin yanzu.

Wani jami'in Katar, wanda bai bayyana sunansa ba, ya ce tawagar kwararrun sun tafi Kabul, bisa bukatar bangaren Afganistan, don tattauna ci gaba da ayyukan filin jirgin.

Jami'in na Katar ya bayyana cewa ana ci gaba da tattaunawa game da aiki da tsaron filin jirgin.