Jirgi mai saukar ungulu ya fado tare da hallaka mutum 5 a Cuba

An sanar da cewa jirgi mai saukar ungulu mallakar sojojin Cuba ya fado a garin Holguin tare da kashe mutum biyar. 

Kamar yadda sashen BBC Ingilishi ya rawaito jirgin mai saukar ungulu mallakar sojojin Cuba ya tashi ne daga garin Holguin inda ya nufi Guantanamo.

Jirgin ya fado tare da hallaka mutum biyar dake cikinsa. Tuni dai rundanar sojan kasar ta fara bincike akan lamarin.

A kasar Cuba dai a shekarar 2018 jirgi ya yi hatsari inda mutum 112 suka hallaka.