Jiragen ruwa 2 sun yi taho mu gama a Peru

Mutane 11 sun rasa rayukansu, wasu 6 sun samu raunuka sakamakon karon da jiragen ruwa 2 suka yi a Peru da ke Kudancin Amurka.

Jirgin ruwan dauke da fasinjoji da ya tashi daga kogin Huallaga na yankin Peru Amazon zuwa garin Yurimaguas, ya ci karo da wani jirgin ruwan saboda yawaitar hazo.

Cibiyar Tsaron Fararen Hula ta bayyana cewa, jirgin ruwan ya kife sakamakon hatsarin inda mutane 11 suka mutu, wasu 6 kuma suka samu raunuka.

Ba a kammala tantance adadin wadanda suka mutu sakamakon hatsarin ba, an sanar da fara gudanar da aiyukan ceto a kogin.