A wani jawabi da ya gabatar a kafar Talabijin din Lebanon a wannan safiya, Naim Qassem ya ce ƙungiyar na nan da ƙarfinta wajen yi wa sojojin Isra'ila tirjiya, duk kuwa da hare-hare da kuma kashe-kashen da suke yi.
Muna da ƙarfin soji, sojojinmu da ke bakin daga na da ƙarfi. Isra’ila bata ji daɗi game da abinda ya faru a cikin kwanaki 10 da suka gabata ba. Muna gaya musu cewa, wasu ƴan Isra’ila za su ƙara kauracewa matsugunansu. Shirin Isra'ila shi ne kashe fararen hula da korar mutane daga garuruwansu don haifar da ruɗani, sai dai na gaya musu wancan yunkuri nasu ba zai samu ba.
Qassem ya yabawa Nasrallah, inda ya ce ya cusa tsoro a cikin zukatan Yahudawa da masu aikata laifuka a yankin Gabas ta Tsakiya.
Mataimakin shugaban ƙungiyar ya ce nan bada jimawa ba, ƙungiyar za ta zabi sabon shugaba da zai maye gurbin Nasrallah.
Ya kuma yabawa ƙungiyar Hamas bisa harin da ta kai kudancin Isra’ila shekara ɗaya da ta gabata, lamarin da ya ce shi ne matakin farko na ƴantar da al’ummar Falasdinawa.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
