Isra'ila ta kama Falasdinawa 17

Dakarun Isra'ila sun kama Falasdinawa 17 da suka hada da yaro karami 1 a Gabashin Kudus da Yammacin Gabar Kogin Jordan.

Majiyoyin yankin sun bayyana cewar dakarun na Isra'ila sun kai farmaki a Gabashin Kudus da Yammacin Gabar Kogin Jordan da daren Juma'ar nan.

Dakarun na Isra'ila sun kama mutane 11 Yammacin Gabar Kogin Jordan, da wasu 6 a Gabashin Kudus.

Daga cikin mutanen da aka kama a Gabashin Kudus akwai wanda dakarun Isra'ila suka yi wa dukan kawo wuka, sannan daga wadanda aka kama a Yammacin Gabar Kogin Jordan akwai yaro mai shekaru 16.