Isra'ila ta kama Falasdinawa 46 a Yammacin Gabar Kogin Jordan

Dakarun Isra'ila sun kama Falasdinawa 46 da suka hada damata 2 a yankunan Yammacin gabar Kogin Jordan daban-daban.

Sanarwar da Ofishin Sanya Idanu Kan Falasdinawa da aka Kama ta ce, da tsakar daren Talatar nan ne dakarun Isra'ila suka kai farmakai  a garin Al-Halil da wasu yankunan Yammacin Gabar Kogin Jordan.

Sanarwar ta ce dakarun na Isra'ila sun kama Falasdinawa 46 da suka hada da mata 2 bisa zargin su da laifuka daban-daban.

Majiyoyin yankin sun ce daga cikin wadanda aka kama har da wasu mambobin Hamas da aka taba daurewa a baya.