Isra'ila ta kai hare-hare ta sama a Zirin Gaza

Isra'ila ta kai hare-hare ta sama a yankin Zirin Gaza da ke karkashin kawanya.

Bayanan da aka samu daga shaidun gani da ido sun ce, jiragen sama na yaki na Isra'ila sun kai hari kan matsugunan kungiyoyin tirjiya na Falasdinawa da ke garin Han Yunus na Zirin Gaza.

Ma'aikatar Lafiya ta Gaza ba ta bayyana ko an samu asarar rayuka ko dukiya ba sakamakon harin.

Rundunar sojin Isra'ila ma ba ta ce komai ba game da harin.