Isra'ila ta kai hare-hare ta sama a Zirin Gaza

Jiragen sama na yaki mallakar Isra'ila sun kai hare-hare ta sama kan matsugunan Mayakan Sojin Hamas na Izzettin Kassim da ke Zirin Gaza.

Sanarwar da Rundunar Sojin Isra'ila ta fitar ta shafinta na Twitter ta bayyana cewa, jiragen sun kai hari kan wajen d ake samarwa da Hamas makamai.

Sanarwar ta kara da cewa, an kai hare-haren don mayar da martani ga wata balan-balan mai wuta da aka harba Isra'ila daga Zirin Gaza.

Kungiyar Hamas ba ta ce komai ba game da haren.