Iran ta yi gwajin makamai masu linzami a arewacin tekun Indiya

An sanar da cewa kasar Iran ta yi gwajin makamai masu linzami a arewacin tekun Indiya.

Kanfanin dillancin Labaran Iran mai suna Tesnim ya rawaito cewa, dakarun kasar Iran sun gudanar da atasaye a tekun dake tsakanin na Oman da na Indiya.

A atasayen sun yi gwajin makamai masu linzami matsakaita da masu dogon zangon da ma'aikatar tsaron kasar ta sarrafa wadanda aka bayyana sun yi nasarar isa nesan kilomita 280 kamar yadda aka tsara.

A ranar 10 ga watan Mayu a atasayen da Iran ta gudanar a Gulf din Oman ta harbi wani jirgin ruwan yaki bisa kuskure da ya yi sanadiyar mutuwar sojoji 19.