Iran ta yi Allah wadai da hare-haren ta'addanci da suka hallaka mutane da dama a Kabul, babban birnin Afghanistan.
Said Hatibzade, Kakakin Ma'aikatar Harkokin Wajen Iran, ya bayyana matukar damuwarsu kan hare -haren ta'addancin da aka kai a Afghanistan.
Da yake jaddada cewa suna yin Allah wadai da kowane irin ayyukan ta'addanci a kan mutanen Afghanistan, Hatibzade ya bayyana cewa ya kamata a kafa gwamnati da za ta kunshi kowa da kowa cikin gaggawa kuma cibiyoyin tsaro da abin ya shafa su kare rayuka da dukiyoyin jama'a.
Wasu fashe -fashe guda biyu sun faru a kusa da filin jirgin saman Hamid Karzai da ke Kabul, inda ake ci gaba da aikin kwashe mutane. Kungiyar Khorasan da ke da alaka da kungiyar ta'adda ta DAESH ta dauki alhakin kai harin.
Akalla mutane 110, ciki har da sojojin Amurka 13, sun rasa rayukansu a hare -haren ta'addancin.
