Harin bam kan motar jami'an tsaron Afganistan

Mutane 3 sun rasa rayukansu sakamakon harin bam da aka kaiwa motar 'yan sanda a jihar Pervan da ke kusa da Kabul Babban Birnin Afganistan.

Daraktan 'yan sandan Pervan Abdul Rauf Uruzgani ya shaida cewa, bam din da aka dasa a mahadar hanyar Hufiyan ya fashe  lokacin da motar 'yan sandan Pervan ke giftawa.

Uruzgani ya shaida cewa, 'yan sanda 2 tare da direban motar sun rasa rayukansu, wasu mutanen 5 kuma sun jikkata.

An bayyana cewa, wasu daga cikin wadanda suka jikkata na cikin mawuyacin hali.

Babu wanda ya dauki alhakin kai harin.