Guguwar Isaias ta isa gabar tekun jihar North Carolina ta Amurka

Guguwar Isaias da ta faro daga tekun Atlas ta isa ga gabar tekun jihar North Carolina da ke Amurka.

Guguwar mai karfin lamba ta 1 ta bugi yankin wajen shakatawa na Ocean Isle da kudancin jihar North Crolina da ke Amurka.

A lokacin da guguwar ta isa yankunan da babu ruwa, an samu mamakon ruwan sama da iska mai karfi a jihohin North Carolina da South Carolina.

Guguwar na gudun kilomita 135 a awa daya, kuma an bayar da gargadin yiwuwar samun ambaliyar ruwa a jihohin arewa maso-gabashin Amurka da suka hada da Virginia da Maryland.

Haka zalika an aiyana dokar ta baci a jihohin North Carolina da New Jersey sakamakon guguwar.