Tsananin guguwa hadi da dusar kankara sun dagula al'amura a yankunan kudancin Amurka.
Guguwa tare da dusar kankara sun doshi jihohin Minnesota da Virginia da ke gabashin Amurka, kuma guguwa da kankarar sun rikita al'amura a ranar Lahadin nan a Virginia, Mayland da Washington.
A garin Chicago na jihar Illinois tudun kankara a kasa ya kai santimita 17, kuma sakamakon yawan zubar dusar kankarar an soke tashi da saukar jirage sama da 300 a filayen tashin da saukar jiragen sama na Ch,vago O'Hare da Midway.
An aiyana dokar kar ta kwana a Washington inda dusar kankarar ta kai tudun santimita 10.
An kwashe tsawon rana ana ruwan dusar kankarar a jihohin Virginia, Maryland da Washington, kuma jihohin Pennsylvania, New York, Delaware da Massachussetts ma sun fara fuskantar yawaitar zubar dusar kankarar.
