Gobara ta raba iyalai 382 da matsugunansu a Indonesiya

Iyalai 382 sun rasa matsugunansu sakamakon gobarar da ta afku a Jakarta Babban Birnin Indonesiya.

Jaridar Tempo ta bayar da labarin cewar a yammacin Talatar nan ne gobarar da ba a san musabbabinnta ba ta kama a unguwar North Duri da ke Yammacin Birnin Jakarta.

Shugaban 'yan kwana-kwana na yankin Eko Sumarno ya ce gobarar ta lahanta gidajen iyalai 382 tare lalata gonaki da dama.

Ya ce an shawo kan gobarar da ba ta janyo asarar rai ko dukiya ba.