Gobara ta kama a kusa da sansanin 'yan gudun hijirar Arakan

Mutane 3 sun rasa rayukansu sakamakon gobarar da ta kama a wata kasuwa da ke kusa da sansanin 'yan gudun hijirar Myammar a Bangaladash.

Da safiyar Juma'ar nan ne gobarar ta kama a kasuwar da ke kusa da sansanin Kutupalong da 'yan gudun hijirar Arakan su ke zaune. Mutane da dama sun jikkata, kuma shaguna sama da 20 sun kone.

Har yanzu ba a gano musabbabin tashin gobarar ba, amma jami'an kashe gobara sun dauki tsawon awanni kafin su kashe gobarar.

An bayyana cewa, wadanda suka mutu din ma'aikatan kasuwar ne.

A baya ma gobara ta kama sau da dama a sansanin.