Kawo yanzu a fadin duniya kwayar cutar Covid-19 ta yi sanadiyar rayukan mutum miliyan daya da dubu 149 da dari 370.
Yawan wadanda suka kamu da cutar kuwa sun kai miliyan 42 da dubu 497 da dari 385, inda wadanda suka warke suka kai miliyan 31 da dubu 429 da dari 840.
A kasar Indiya yawan wadanda cutar Korona ta yi ajali sun kai dubu 117 da dari 992. Yawan wadanda suka kamu da cutar a kasar kuwa sun kai miliyan 7 da dubu 814 da dari 682.
A Nahiyar Afirka kuwa a cikin awanni 24 da suka gabata yawan wadanda cutar ta kashe sun kai 225 a jumlace mutum dubu 40 da dari 985 suka rasa rayukansu.
A fadin nahiyar wadanda suka kamu da cutar sun karu da dubu 10 da dari 637, a jumlace mutum miliyn 1 da dubu 707 da 55 suka kamu da cutar a nahiyar. Kawo yanzu a nahiyar a Afirka ta Kudu ne aka fi samun wadanda cutar ta hallaka da mutum dubu 18 da dari 891 sai kuma Misira da dubu 6 da dari 176 sai kuma Aljeriya a ta uku da aka fi samun rasa rayuka daga Covid-19 da mutum dubu 3 da dari 205.
