Fiye da mutane 430 aka kashe a hare-haren bindiga a Amurka a makon da ya gabata.
A cewar labarain The Hill, bayanan da Rukunan Rikicin Makamai (GVA) ya bayar ya nuna cewa al'amuran hare-hare da bindiga sun karu a kasar.
Bayanan sun nuna cewa an samu hare-haren bindiga sama da 915 a cikin Amurka daga ranar 17 zuwa 23 na watan Yuli kuma sama da mutane 430 ne suka rasa rayukansu a hare-haren.
Mutane dubu daya da bakwai kuma suka jikkata a hare-haren.
Hare-haren bindiga ya afku galibi a Illinois (109), Texas (63), Pennsylvania (59) da California (52).
Bugu da kari, an samu masu kashe kansu sama da dubu 13 da 500 dauke da makamai a wannan shekarar.
Ya zuwa wannan shekarar, sama da mutane dubu 24, waɗanda 800 daga cikinsu ba su kai shekara 18 ba kuma 174 daga cikinsu ba su kai shekara 12 ba, sun rasa rayukansu a cikin rikice-rikice na makamai a cikin Amurka.
Wannan lambar ta wuce dubu 43 a cikin 2020 kuma ta kai mataki mafi girma a cikin shekaru 20 da suka gabata.
