Faransa ta kori ɗan tsohon shugaban ƙungiyar Al Qaeda Osama bin Laden daga ƙasar

Ministan kula da harkokin cikin gidan Faransa Bruno Retailleau ne ya bayyana haka a wata sanarwa da ya wallafa a shafinsa na X a yau Talata.

Ministan ya ce a shekarar 2023 da ta gabata ce dai, Omar bin Laden da ke zaune a ƙasar tun a shekarar 2016, ya wallafa wani abu da ke nuna goyon bayan ta’addanci.

Ya kuma ce sanya hannu a dokar da ta haramta sake baiwa Omar bin Laden damar saka ƙafarsa a cikin ƙasar, duk da cewa sanarwar bata yi ƙarin haske kan ko ya riga ya fice daga Faransa din ba.

Omar bin Laden tare da matarsa Jane Felix-Browne ƴar asalin Birtaniya, wacce daga bisani ta sauya suna zuwa Zaina Mohammed,  da farko yaso su zauna a Birtaniyan ne amma hukumomin ƙasar suka ƙi amince masa, lamarin da ya sanya su komawa Faransa.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI