Sakin nasu na zuwa ne, bayan sakin wasu sojojin Isra’ila mata da hamas ta yi, wadanda ke rike a hannunta tsawon watanni.
Sojojin wadanda aka nuno su a cikin koshin lafiya, inda kowaccensu ke dauke da jakar kayanta, sun yi ta daga wa mazauna gaza hannu yayin da suke dauke da murmushi a fuskokinsu.
Sai dai Isra’ila ta ce ba zata yarda Falasdinawan su koma arewacin gaza, har sai an sako Arbel Yehoud wanda har yanzu ke tsare a hannun Hamas.
A wani labarin kuma, dakarun Isra’ila sun yiwa gidan guda daga cikin fursunonin da aka sako mai suna, Ashraf al-Zagheer da ke yankin Kafr Aqab kawanya a Arewacin Yamma da Kogin Jordan, sa’o’i kalilan da sakinsa daga gidan yarin Ofer.
Sojojin Isra’ila sun haramta shagulgula, bayan Falasdinawa sun yi ta daga tutar Hamas a lokacin da ya koma gida.
Kamfanin dillancin labarai na Wafa ya ruwaito cewa, dakarun Isra’ila sun budewa jama’a wuta lokacin da suka kai samamen, abin da ya kai ga jikkata mutum biyu.
Haka zalika, dakarun Yahudawan, sun kai samame garin Qarawat Bani Zeid da ke Arewa maso Yammacin Ramallah, lokacin da ake atsaka da murnar komawar wani Bafalasdine mai suna Saeed Nasser Arar gida, daga gidan yarin Isra’ilan.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
