Dutsen Kilauea da ke Amurka ya dawo da aman wuta

Dutsen Kilauea da ke jihar Hawaii ta Amurka ya dawo da aman ruwan wuta.

Sanarwar da aka fitar daga Ofishin Sanya Idanu Kan Duwatsu Masu Aman Wuta na jihar Hawaii ta ce, an samu wata babbar kara daga cikin Dutsen Kilauea wanda daga nan kuma wuta ta ci gaba da fita daga cikinsa.

Bayan fashewar, an sanar da yanayin hatsari tattare da dutse a sama da kasa.

Dutsen Kilauea na daga daga cikin duwatsu mafiya aman wuta a duniya, kuma tun daga shekarar 1983 zuwa yau ak samun fashewar abubuwa a cikin sa.