Dusar kankara ta yi ajalin mutane 2 a Amurka

Mutane 2 sun rasa rayukansu sakamakon hadurran da dusar kankara ta janyo afkuwar su a Amurka.

A hatsarin motar da ya rutsa da motoci da dama a gundumar Clinton da ke jihar Michigan mutane 2 sun mutu.

Jami'in Hukumar Kula da Yanayi ta New York David Stark ya ce, a yammacin Larabar nan dusar kankara ta kai tududun santimita 7 a filin shakatawa na Central Park.

Gwamnan New York Andrew Cuomo ya gargadi mutane game da karfin zubar dusar kankarar.

Ya ce, "Ku kula sosai, ku nisanci hanyoyi, ku dauki matakan da suka kamata don magance guguwar."