Dan bindiga ya kashe mutane 5 a Amurka

Wani dan bindiga ya kashe mutane 5 daga cikin 7 da ya harba a unguwanni daban-daban na garin Chicago da ke Amurka.

'Yan sandan Chicago sun bayyana cewar, maharin mai suna Jason Nightengale ya harbi mutane 7 a lokuta daban-daban a rana guda, kuma 5 daga cikinsu sun rasa rayuansu.

Daga cikin wadanda suka mutu akwai dalibin jami'a, ma'aikacin gidan abinci, jami'İn tsaro da wata mace guda.

An bayyana kashe Jason Nightengale a musayar wutar da suka yi da jami'an 'yan sanda, kuma a baya ma an tuhume shi da aikata manyan laifuka.

Maharin mai shekaru 32 ya gurfana a gaban kotu a shekarar 2005 bisa zargin sa da karya dokokin mallakar makamai da ta'ammali da miyagun kwayoyi, sata, hari da makamai masu kisa, nuna mummunan hali da rikicin iyali.