Dakarun Isra'ila na ci gaba da kama Falasdinawa

Dakarun Isra'ila sun kama Falasdinawa 15 a Yammacin Gabar Kogin Jordan da ke karkashin mamayar Yahudawa.

Bayanan da aka samu daga majiyoyin yankin sun bayyana cewa, a daren Talatar nan dakarun Isra'ila sun kai sumame a yankunan Yammacin Gabar Kogin Jordan daban-daban.

A yayin sumamen na dakarun Isra'ila an kama Falasdinawa 15.

Dakarun Isra'ila na yawan kai sumame da hari Yammacin Gabar Kogin Jordan da Gabashin Kudus tare da kama Falasdinawa.

Mata da yara kanana da ake kamawa a yankunan Yammacin Gabar Kogin Jordan da Gabashin Kudus na zama a gidajen kurkukun Isra'ila na lokaci mai tsawo.