Hukumar Kula da Lafiya ta Duniya (WHO) ta sanar da cewa cutar sankara da ta shafi mafi yawan mutane ita ce ta cutar sankarar mama.
Masanin cutar sankara na WHO Andre Ilbawi, da yake jawabi a ranar 4 ga Fabrairu, Ranar Cutar Sankara ta Duniya,
Ya ce, "Cutar sankarar mama ta zama nau'in cutar sankara mafi yawa a karon farko."
Ilbawi ya bayyana cewa, cutar sankarar huhu wacce ita ce mafi yawan cutar sankara a cikin shekaru 20 da suka gabata, ta sauka zuwa matsayi na biyu, kuma sankarar hanji (ta hanji da dubura) ta ɗauki matsayi na uku.
Ilbawi ya jaddada cewa yayin da kiba muhimmin abu ne da ke haifar da hatsarin kamuwa da cutar sankarar mama, yana daya daga cikin abubuwan da ke haifar da wasu nau'ikan cutar sankara.
Tare da yin nuni da cewa an katse maganin cutar sankara saboda sabon nau'in kwayar cutar corona (Covid-19), Ilbawi ya jaddada cewa yawan mutanen duniya sun karu, tsawon rai ya ragu kuma ana fargabar yadda cutar sankara ta zama ruwan dare.
