China ta sanar da cewa za ta ba da agajin gaggawa ga Falasdinawan da hare-haren Isra’ila suka lalatawa kaddarori tun daga ranar 10 ga Mayu.
A wani taron manema labarai a Beijing, kakakin ma'aikatar harkokin wajen kasar Cao Lician ya sanar da cewa, Beijing za ta ba da gudummawar dala miliyan 1 a cikin taimakon agaji na gaggawa ga Falasdinawa da dala miliyan daya ga Hukumar ba da Agaji da Ayyuka ta Majalisar Dinkin Duniya don 'Yan Gudun Hijira na Falasdinawa a Gabashin Jordan (UNRWA).
Kakakin Cao ya kuma sanar da cewa za su aika da allurai dubu 200 na sabon nau'in maganin coronavirus (Kovid-19) zuwa Falasdinu.
Kakakin Hukumar Kula da Hadin Kan Cigaban Kasar China Tien Lin ya bayyana cewa, za a yi amfani da kayan agaji na gaggawa don kula da wadanda suka jikkata a hare-haren tare da samar da matsuguni ga marasa gida.
A hare-haren da Isra’ila ke kaiwa kan Gaza, wanda ya ci gaba tun daga ranar 10 ga Mayu, Falasdinawa 243, da suka hada da yara 66 da mata 39, sun rasa rayukansu.
