Cavusoglu ya tattauna da Stoltenberg akan Afghanistan

Ministan Harkokin Wajen Turkiyya Mevlut Cavusoglu ya tattauna ta wayar tarho da Sakatare Janar na NATO Jens Stoltenberg.

Dangane da bayanan da aka samo daga majiyoyin diflomasiyya, a tattaunawar Cavusoglu da Stoltenberg an tabo shirye-shiryen taron kolin NATO da za a gudanar a ranar 14 ga watan Yuni.

Haka kuma sun tattauna akan shirye-shiryen NATO na shekaru goma nan zuwa gaba wanda aka shirya kaddamarwa a shekarar 2030 da kuma lamurran kasar Afghanistan.