Cavusoglu ya tattauna da Barzani ta wayar tarho

Ministan Harkokin Wajen Turkiyya Mevlut Cavusoglu ya tattauna da Firaministan Yankin Kurdawa Mai Cin Gashin Kansa da ke Iraki Masrur Barzani.

Bayanan da aka samu daga majiyoyin diplomasiyya sun bayyana cewa, a tattaunawar ta wayar tarho, Barzani ya bayar da bayanai tare da mika ta'aziyya ga Cavusoglu sakamakon harin da aka kai a Erbil da Bashika.

Cavusoglu ya fitar da sanarwa game da hare-haren a shafin sada zumunta inda ya ce,

"Ina Addu'ar samun jin kan Ubangiji ga sojanmu jarumi da ya yi Shahada sakamakon harin ta'addancin da aka kai musu a sansanin Bashika na Iraki. Ina mika sakon ta'aziyya da iyalai da makusantansa."