Bam ya fashe tare da kashe mutane da dama a Afganistan

Fararen hula 9 ne suka rasa rayukansu sakamakon fashewar wani bam a aka binne a gefen hanya a Afganistan.

Kakakin 'yan sandan jihar Kandahar Jamal Nasir Barikzey ya shaida cewar bam din da aka binne a gefen hanya a yankin Hushk Rod na gundumar Argistan da ke jihar ya fashe tare da kashe fararen hula 9.

Barikzey ya kara da cewar bam din ya fashe a lokacinda motar fararen hula ke wucewa inda 9 daga ciki suka mutu, wasu 5 kuma suka samu raunuka.

Har yanzu babu wanda ya dauki alhakin kai harin.