'Yan ta'addar PKK sun kashe sojan Peshmerga a Iraki

'Yan ta'addar a ware na PKK sun kashe wani sojan Peshmerga a yankin Duhok na kasar Iraki.

Labaran da jaridun kasar suka fitar na cewa, 'yan ta'ddar PKK sun kai hari kan sansanin Peshmerga da ke yankin Derkar na gundumar Zaho ta Duhok.

Daraktan yankin Derkar Adib Jafar ya shaida cewa, da safiyar Talatar nan ne 'yan ta'addar PKK suka kai hari kan sansanin Peshmerga tare da kashe soja 1.

A ranar 5 ga Yuni ma 'yan ta'addar PKK sun kai harin kwanton bauna kan mayakan Peshmerga a gundumar Amedi da ke Duhok.

Ma'aikatar Kula da Peshmarga ta Yankin Kurdawan Iraki Mai Cin Gashin Kansa ta sanar da mutuwar sojoji 5 da jikkatar wasu 7 sakamakon harin.