'Yan ta'addar Daesh sun kashe mayakan Hashdi Sha'abi 'yan shi'a 12 a Iraki

Sojoji 12 da suka hada da kwamandansu 1 sun rasa rayukansu sakamakon harin da 'yan ta'addar Daesh suka kai kan mayakan Hashdi Sha'abi 'yan Shi'a da ke jihar Salahaddin ta kasar Iraki.

Labaran da aka fitar daga jaridun Iraki sun ce, 'yan ta'addar Daesh sun kaiwa sansanin Hashdi Sha'abi na 22 hari a gabashin Salahaddin.

Sakamakon harin an kashe sojoji 12 da suka hada da kwamandan Hashdi Sha'abi mai suna Abu Alya Hasnavi, an kuma jikkata wasu sojojin 12.

A wani harin kunar bkin wake da aka kai a wata kasuwa da ke Bagdad kwanaki 3 da suka gabata, an kashe fararen hula 32 tare da jikkata wasu 110. Kungiyar ta'adda ta Daesh ta dauki alhakin kai harin.