'Yan sandan Isra'ila sun jikkata Falasdinawa 10

'Yan sandan Isra'ila sun jikkata Falasdinawa 10 a unguwar Shaikh Jarrah dake Gabashin Kudus.

Sanarwar da Kungiyar Bayar da Agaji ta Red Crescent ta fitar ta ce, a arangamar da Falasdinawa suka yi da dakarun 'yan kama guri zauna an jikkata mutane 10, an kai 3 daga ciki zuwa asibiti.

Shaidun gani da ido sun bayyana cewa, dakarun na Isra'İla sun watsa ruwa mai datti kan gidajen Falasdinawa yayinda 'yan kama guri zauna kuma suka kai hari kan jama'ar unguwar.

Shaidun gani da idon sun kuma ce, 'yan sandan na Isra'ila sun kama wasu Falasdinawa da suka nuna goyon baya ga jama'arsu na unguwar Shaikh Jarrah, ba a bayyana mutane nawa aka kama ba.