'Yan gwagwarmayar Falasdinawa sun bude wuta kan wasu jiragen sama marasa matuka na yaki mallakar Isra'ila a lokacin da suke shawagi a yankunan Zirin Gaza.
Shaidun gani da ido sun bayyana cewa, a daren Juma'ar nan ne jiragen sama marasa matuka na yaki mallakar Isra'ila suka yi shawagi a yankunan Al-Zaytun, Al-Shujayye da Al-Tuffah na gabashin Zirin Gaza, sai yankunan Al-Shati, Tal Al-Hawa da Al-Rimal dake yammacin Zirin Gaza da kuma Jibaliya, Bayt Lahiya da Al-Karama da ke arewacin yankin.
An bayyana an bude wuta kan jiragen yakin marasa matuka na Isra'ila a sararin samaniyar Zirin Gaza.
Wani jami'in tsaro da ya nemi a boye sunansa ya bayyana cewa, kusan jiragen yaki marasa matuka na Isra'ila guda 10 ne suka dinga shawagi a yankunan Zirin Gaza musamman ma unguwar Al Shujayya.
