Mutane 2 sun rasa rayukansu kuma a kalla mutane 12 sun jikkata a wani harin bindiga da aka kai a wani gidan biki a jihar New Jersey dake Amurka.
A cewar wata sanarwa da ‘yan sandan jihar New Jersey suka fitar, an kai hari da makami a wani babban biki da ya samu halartar daruruwan mutane a yankin Cumberland da daddare.
A harin, an kashe mutane biyu, daya namiji daya mace, an jikkata akalla mutane 12, sannan an kwantar da wadanda suka ji rauni a asibiti.
Babu wani bayani da aka bayar game da wanda ya aikata wannan lamarin da kuma yadda aka aiwatar da shi.
News Source: ()
