Mutane 3 sun rasa rayaukansu sakamakon bude wuta da wasu da ba a san ko su waye ba suka yi a kan fararen hula da ke fitowa daga Masallacin Juma'a a jihar Paktiya da ke Afganistan.
Kakakin fadar gwamnan Patkiya Abdullah Hasrat ya shaida wa manema labarai cewa da yammacin Lahadin nan ne wasu 'yan bindiga da ba a san ko su waye ba ne suka bude wuta kan fararen hula da ke fitowa daga wani Masallacin Juma'a a gundumar Dent Patan da ke jihar.
Hasrat ya kara da cewar an kashe fararen hula 3 sakamakon harin.
Ya zuwa yanzu babu wani ko wata kungiya da suka dauki alhakin kai harin.
A makon da ya gabata ma dai jami'an tsaro 3 ne suka rasa rayukansu sakamakon harin bam da 'yan ta'addar Taliban suka kai da wata mota kan sansanin sojin Afganistan.
Kakakin fadar gwamnan jihar Helmand Umar Zuvak ya shaşda cewar 'yan ta'addar na Taliban sun kai hari da mota makara da bama-bamai kan sansanin sojin kasa da ke yankin Yahchal na gundumar Girishk din jihar.
Zuvak ya ce an kashe jami'an tsaro 3, yayinda aka jikkata wasu 6 sakamakon harin.
Taliban ta dauki alhakin kai harin inda ta ce ta kashe sama da sojoji 10.
