Bikin rantsuwar da aka gudanar a ɗakin taro na majalisar dokokin Amurka ya samu halatttar manyan mutane daga ciki da wajen Amurka.
A jawabin da shugaba Trump ya yi jim kaɗan bayan rantsar da shi, ya zayyano manyan ƙudirorin da zai mayar da hankali a gwamnatinsa. inda ya sha alwashin dawo da martaba da daraja da ƙima ta Amurka a idon duniya.
Ya ce zai tabbatar da tsaro a cikin ƙasar a matsayinsa na shugaban ƙasa.
Bikin rantsar da abon Shugaban Amurka Donald Trump da mataimakinsa JD Vance REUTERS - Kevin Lamarque Shugaba Trump ya sha alwashin tabbatar da haɗinkan jama'ar Amurka tare da kawo sauye-sauye a ƙasar domin ta ci gaba da yin fice a duniya.
Ya bayyana alfaharinsa da cewa kwana guda kafin rantsar da shi a matsayin shugaban ƙasa an tsagaita wuta a yakin da ake gwabzawa a Gabas ta Tsakiya.
Sabon shugaban na Amurka Trump ya bayyana abu na farko da zai mayar da hankali a kai shine tabbatar da korar duk wasu baƙi da ke zaune a ƙasar ba bisa ka’ida ba.
Ya kuma nanata cewa tabbas Amurka za ta ƙara zama mai kuɗin gaske a karƙashin mulkinsa.
Muhimman matakan da Trump ya bayyana cewa zai zartar a gwamnatinsa
- Ya sanya dokar ta ɓaci a iyakokin kudancin Amurka tare da tura dakaru don daƙile kwararar baƙi
- Zai kori dumbin bakin da ke Amurka
- Ya sanya dokar ta ɓaci dangane da haƙo mai domin rage farashin makamashi a Amurka
-Kawo ƙarshen ƙudirin kare muhalli da wajabta amfani da motoci masu lantarki
- Ƙirƙirar hukumar tattara haraji daga ƴan ƙasashen waje
- Zartar da ƙudirin cewa gwamnatin Amurka jinsi biyu kawai ta sani a hukumance, Namiji da Mace wato babu Mata Maza
-Kafa tutar Amurka a duniyar Mars
- Zai ƙwace iko da mashigin ruwa na Panama Canal
-Sauya sunan gabar ruwan Maxico zuwa gabar ruwan Amurka
-Sauya sunan tsaunin Denali zuwa McKinley
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
