An kubutar da wasu bakin haure daga teku a Turkiyya

A gundumar Ayvacik dake yankin Canakkale, an kubutar da bakin haure 59 da masu gadin gabar tekun Girka suka tunkuda cikin tekun Turkiyya.

Rundunar Tsaron Teku sun gano bakin haure a cikin kwale -kwalen roba a gabar tekun gundumar.

Rundunar da suka je yankin sun ceto gungu biyu na mutane 33 da 26 na bakin haure wadanda Girka ta kora yankin tekun kasar Turkiyya.
An mika bakin hauren ga hukumar 'yan gudun hijirar yankin domin daukar mataki na gaba.