Fararen hula 7 ne suka mutu a wani harin da kungiyar Taliban ta kai a lardin Kapisa na Afghanistan.
Kakakin ofishin ‘yan sanda na Kapisa Shayik Shurish ya ce, abubuwan da yan ta’addar Taliban suka harba ta fada wurin daurin auren a kauyen Enarcuy.
Da yake bayyana cewa fararen hula 7 sun rasa rayukansu sannan fararen hula 4 sun jikkata a harin, Shurish ya bayyana cewa yara na cikin wadanda suka rasa rayukansu.
Kungiyar Taliban ta yi ikirarin cewa jami'an tsaro ne suka kai hari a yankin.
A gefe guda, ana ci gaba da kokarin tabbatar da kwanciyar hankali a kasar, a dayan barayin kuma, ana ci gaba da kai hare-haren ta'addanci a kasar.
Bugu da kari, a cewar gwamnatin Afghanistan, tashin hankali ya karu a kasar tun bayan ficewar sojojin kasashen waje kimanin wata guda.
Ofishin Taimako a Afganistan na Majalisar Dinkin Duniya (UNAMA) ya sanar da cewa, an kashe fararen hula 573 a Afghanistan a zangon farko na shekarar 2021.
