An kashe mutane 7 da suka hada da sojoji a Pakistan

An kashe mutane 7 da suka hada da sojoji 6 a wasu hare-hare 2 da aka kai a Pakistan.

Sanarwar da Rundunar Sojin Pakistan ta fitar ta ce wani bam da 'Yan ta'adda suka binne a gefen hanya ne ya fashe a garin Mach na jihar Balujistan, a lokacin da motar jami'an soji da ke sintiri ta ke wucewa.

Direban motar farar hula da sojoji 5 sun rasa rayukansu a harin. An fara aiyukan bincike a yankin.

A harin da aka kai a yankin Mand na jihar ta Balujistan kuma wani soja da aka bude wa wuta ya mutu.

Tuni aka fara kai farmakai don kamo maharan da suka gudu bayan bude wutar.