An kashe fararen hula 12 a harin bam a Afganistan

Fararen hula 12 ne suka rasa rayukansu sakamakon harin bam da aka kai a jihar Paktiya da ke Afganistan.

Sanarwar da aka fitar daga helkwatar 'yan sandan Paktiya ta ce, wani bam da aka binne a gefen hanya ya fashe a lokacin da mota dauke da fararen hula ta ke wucewa a kauyen Chinu na gundumar Sayit Karim dake jihar.

An bayyana mutuwar fararen hula 12 da suka hada da yara kanana tare da jikkatar wasu 2 sakamakon fashewar bam din.

Helkwatar 'yan sandan ta dora alhakin harin a kan 'yan tawayen Taliban.

Har yanzu babu wanda ya fito ya dauki alhakin dasa bam din.