An kashe 'yan tawayen Houthi 24 a Yaman

Rundunar sojin Yaman ta sanar da kashe mayakan Houthi 'yan tawaye 24 tare da jikkata wasu da dama a rikicin da suka fafata a garin Hudeyde.

Kakakin sojojin Amalika da ke da alaka da rundunar sojin Yaman Memnun Al-Mahjami ya shaida cewar 'yan tawayen na Houthi sun yi yunkurin shiga yankunan Layi na 5, Layi na 6 da Kilo-16 da ke garin Hudeyde na gabashin Yaman.

Sakamakon mayar da martanin da dakarun sojin suka yi ne arangama ta barke a tsakaninsu inda aka kashe 'yan tawayen Houthi  24.

Al-Mahjami bai fadi ko nasu dakarun sun mutu ba a rikicin.

Mayakan Houthi ma ba su ce komai ba game da rikicin.