An kasa shawo kan gobarar daji a Amurka

An kasa shawo kan gobarar daji ta "Dixie" da ta ke ci a arewa maso-yammacin jihar California ta Amurka.

Sanarwar da Sashen Kare Afkuwar Gobarar Daji na jihar California (Cal Fire) ya fitar ta ce, gobarar "Dixie" da ke ci tun tsawon makonni 3 ta zama mafi muni ta 2 a tarihin jihar.

Sanarwar ta Cal Fire ta ce, gobarar ta kone yanki mai girman hekta dubu 187, kuma garin Greenville ya kone kurmus.

Cibiyar Yaki da Gobara ta Amurka ta sanar da cewa, gobarar daji sama da dubu 37 da ta kama a kasar a wannan shekarar ta kone yanki mai girman eka miliyan 3.