An kame hodar iblis na tan 1 da kilo 760 a Holan

An bayyana kame hodar iblis ton 1 da kilo 760 a cikin wani jirgin ruwan da ya fito daga Costa Rica a tashar jiragen ruwan Rotterdam dake Holan.

Bayanan da mai gabatar da kara a Rotterdam ya fitar ya nuna cewa a cikin wasu buhuhunan dankali dake cikin wani jirgin ruwan daga Costa Rica an ka samu hodar iblis har ton 1 da kilo 760.

An tabbatar da cewa an aika da hodar iblis din, wacce darajar ta ta kai Euro miliyan 132 zuwa wani kamfani a Hague.

Haka kuma a tashar jirgin ruwa ta Rotterdam, an kame tan 3 na hodar iblis a cikin wani jirgin ruwa da ya fito daga Ecuador a makon da ya gabata.