An kai harin bam a filin da ake gudanar da zanga-zangar kalubalantar cin zarafin da Isra'ila ke yiwa Falasdinawa a jihar Baluchistan dake kasar Pakistan lamarin da ya yi sanadiyar rayuka 6 da raunanan wasu hudu.
Kakakin Gwamnatin Baluchistan, Liyakat Shahvani, ya ba da rahoton cewa an kai harin bam kan zanga-zangar kin jinin Isra’ila a yankin Shaman.
Shahvani ya bayyana cewa, an sanya bam din a kan babur dake kan hanyar da ake gudanar da zanga-zangar, mutane 6 sun mutu kamar yadda aka tantance da farko, kuma mutane 14 sun ji rauni, 4 daga cikinsu na cikin mawuyacin hali.
Fashewar ta faru kusa da motar Shugaban Kungiyar Malaman Addinin Musulunci (JUI-N) ta Baluchistan Mevlana Abdul Kadir Loni , wanda ya jagoranci zanga-zangar.
Shahvani ya bayyana cewa Loni shi ma ya dan ji rauni a fashewar.
Babu wanda ya dauki alhakin harin har yanzu.
