An kaiwa 'yan ta'addar Daesh farmakai a Siriya

An kama 'yan ta'addar Daesh 10 a yankin Azez na arewacin Siriya, sakamakon wani farmaki da aka kai musu.

Sanarwar da helkwatar 'yan sandan gundumar Azez ta fitar ta ce, tare da hadin kan 'yan sandan Kilis da ke Turkiyya, jami'an tsaronsu sun kai farmakai a cibiyoyin Daesh 4.

An sanar da kwace makamai da kayan fashewa da dama daga hannun 'yan ta'addar.

An kama 'yan ta'addar Daesh 10 tare da gurfanar da su a gaban kotu a Azez.