An kai harin bam a Jarabulus

Mutane 2 sun jikkata sakamakon fashewar bam da aka dasa a cikin wata mota a yankin Jarabulus na arewacin Siriya.

Daga nesa aka tayar da bam din da aka dasa a cikin wata mota a tsakiyar gundumar Jarabulus da aka fatattaki 'yan ta'adda daga cikinta a yayin kai farmakan Tsaron Tafkin Firat.

Mutane 2 sun jikkata sakamakon harin. Motar ta lalace baki daya yayinda gine-gine da ke kusa suka samu matsala.

Jami'an tsaron sun ce ana kyautata zaton 'yan ta'addar aware na YPG/PKK ne suka kai harin.

Kungiyar ta'addar ta YPG/PKK na ci gaba da mamayar yankunan Tel Rifat da Munbic, sannan tana kuma kara kai hare-hare a kai a kai a yankunan Bab, Azez, Jarabulus da Afrin.